RSS

Category Archives: கவிதைகள்

என்றோ பழகியது

என்னை நான் மறந்தாலும்
உன் நினைவுகள்
உன்னோடு சேர்த்து
என்னையும்                                                   ஞாபகப்படுத்துகிறது…….
Advertisements
 
3 Comments

Posted by on December 10, 2013 in கவிதைகள்

 

ஆழமான உணர்வு

காதல்.

இரு மனங்களின் சங்கமம்
உள்ளம் அனுபவிக்கும் உணர்வு போதை..

வார்த்தைகள் மெளனமாகி
கண்கள் பேசும்
கவிதை

புறக்கண் மூடி
அகக்கண் திறந்து
அன்பை ரசிக்கும்
அழகு….

தோல்வியை மட்டுமே
சந்தித்து
புண்பட்ட மனதை
வருடும் அழகான
தென்றல்…..

அழகை கண்ணால்
பார்க்காமல்
மனதால் பார்த்து,
நேசிக்கப்பட்டும்
நேசித்த
மகிழ்ச்சியின் உச்சம்……

நெருப்பை குளிர் போலவும்
குளிரை தணல் போலவும்
மாற்றும் சக்தி,
இயற்கையையே
ஏமாற வைக்கும்
அதிசயம் கண்களில்
காணும் கணத்தில்…….

உள்ள எண்ணத்தை
கண்ணாடியாக
பிரதிபளிக்கும் உதடுகள்
உதிர்க்கும் வார்த்தைகள்
வேதவாக்காக
மாறி,
கடவுளையும் காதலில்
காட்டும் சித்து விளையாட்டு……..

உடையில் மாற்றம்
நடையில் மாற்றம்
உணவில் மாற்றம்
பேச்சில் மாற்றம்
நடத்தையில் மாற்றம்
ஏன், மதத்திலும் கூட மாற்றம்
அனைத்தையும் கடந்து
மரணத்தையும் மறக்கடித்கிறது,
உள்ளத்தில் நேர்ந்த காதல் மாற்றம்………

கோடிகள் வேண்டாம்
பண்டபாத்திரம் வேண்டாம்
நகைகள் வேண்டாம்
வாகனம் வேண்டாம்
சாதிகள் வேண்டாம், சரி.
மாறாக,
பெற்றோர்கள்
கூட வேண்டாம்
என்று ஒதுக்கும்
காதல் அறிவிலித்தனமும் கூட……….

 
 

பெருந்துயரம்…!

கருப்பு காவல் தெய்வம் இன்று
தான் சுவாசிப்பதை நிறுத்தியது…..

வரலாறு எழுபவர்களின் மத்தியில்,
வரலாற்றை மாற்றியவரின்
அத்தியாயம் முடிந்தது….

கோடிகளில் புரளும் தலைமைகள்
மத்தியில்,
கோடிமக்கள் இதயத்தில்
குடிகொண்ட சுடர்
ஒளியை இழந்தது….

இருளில் இருந்த கறுப்பர்களை,
வெள்ளையனை எதிர்த்து
வெளிச்சத்தை காட்டிய
கலங்கரைவிளக்கம் அணைந்தது……

இருபத்தியைந்து ஆண்டுகள்
சிறையிருட்டில் காலம்
கடத்தி,
சுதந்திர பாதை காட்டி
இன்று உலகை பிரிந்து போனது…

ஓர் இனத்திற்கு
பயணத்தை
துவக்கிக்காட்டியவரின்
பயணம் முடிந்தது…..

கண்முன்னே வாழ்ந்த மகான்,
தன்னை போல வித்தை நிறைய
மனதில் விதைத்த
தன்னலமில்லா போராளிக்கு,
ஒரு தமிழனின்
கண்ணீர் அஞ்சலி…………….

 
3 Comments

Posted by on December 6, 2013 in கவிதைகள்

 

மழலை

ஒவ்வொரு சிணுங்கலும் ராகமே…
மழலையின் சினுங்கல்கள் மட்டுமே
பெற்றவர்களுக்கு
மிகவும் பிடிக்கும்,
தூக்கத்தை மட்டுமல்ல
எதையும் பிரிய துணிவார்கள்.
பல இசை மீட்டும் குட்டி தேவதைகள்
எத்தனை பாவனைகள்!
அழுகையும் அழகு தான்
சிரிப்பும் அழகு தான்
திகைப்பு அழகு தான்

இறைவன் இருக்கிறான் என்பதை
வெளிக்காட்டுகிறது பிஞ்சு முகம்

எத்தனை ராகங்கள்!
எங்கே கற்றனரோ இந்த இசையை
ராகதேவனே உங்களிடம் யாசிக்க
வேண்டும்
இசையை

 
8 Comments

Posted by on December 5, 2013 in கவிதைகள்

 

நொடிப்பொழுது……………..!

நண்பர் ஒருவர் பதித்த படம் ஒரு சிறிய காதல் கவிதையோடு. அதன் தாக்கமே, காதல் மரணம் குறித்த பதிப்பு…..தவறு இருப்பினும் தயவு செய்து சுட்டி காட்டுங்கள்…நன்றி

மேலும் பார்க்க »

 
4 Comments

Posted by on December 4, 2013 in கவிதைகள்

 

பிம்பம் கண்டேன்!!!

உன்னை பற்றி எழுத நினைத்தேன்
காதிதங்களும் கசப்பட்டன,
வெகுண்டேன்!

பேனா மை கூட
தீர்ந்து போனது,
கலங்கினேன்!

செய்வதறியாது வெறித்து
நின்றேன்,
என்னையே உறுக்கினேன்!

என் குருதியில் நனைந்தன
காகிதங்கள்,
மெழுகு போல நான் உருக
அவ்வெளிச்சத்தில் உன் உருவம்
அழகாக ஒளிர,
நான் கண்களை மூடினேன்
உன் உருவத்தை படம்பிடித்தபடியே!

நான் சுவாசிக்க தடுமாற,
அறையெங்கும் வழிந்தோடும் குருதி
சகதி போல்
என் மேனி எங்கும்
ஒட்டிக்கொண்டு,
உன் வாசத்தை எனக்களித்து
என் உயிரை பறித்தது!!!

 
1 Comment

Posted by on December 3, 2013 in கவிதைகள்

 

நீயில்லாமல்………………..!

கோபமும் அழகு தான்
நீ
என்மீது கோபப்படும் பொழுது,
என்றும்
நீ கோபப்பட
நான் பார்த்து இரசிப்பேன்!

சிந்தும் கண்ணீரும் உனக்காக
என்றென்னும்
பொழுது
மகிழ்ச்சியாக இருக்கிறது!

அழகாக நீ சிரிக்கும்
பொழுது
உன்னை ஆயுள்
முழுவது
சிரிக்க வைக்க ஆசைப்படுகிறேன்!

உனக்காக நான்
என்றும் காத்திருக்கேன்
ஆனால் நீயில்லாமல்
தனித்திருக்க முடியாது!

என் பிள்ளையை சுமந்தாய்
என்னை இருளில் தள்ளினாய்
வழியில்லை எனக்கு!

உன் சொல்லை நான் என்றும்
தவிர்த்ததில்லை….!

ஆதலால்
உலகை பிரியாமல்

உன் நினைவை சுமக்கிறேன்
இறுதிவரை.

 
2 Comments

Posted by on December 2, 2013 in கவிதைகள்