RSS

Monthly Archives: June 2012

பேசும் விழிகள்

பேசும் விழிகள் இருக்கும்
பொழுது
வீணாக உதடுகள் எதற்கு
என்று மறைதுக்கொண்டாயோ?!?!

=========================

கவி பாடும் கண்கள்
இருக்க,
படிக்கும் உதடுகள் எதற்கு
என்று மூடிக்கொண்டாயோ!?!?

==========================

பேசும் உதடுகளை விட
அதிகம் மயக்குவது
பேசாத விழிகளே!

அதனால் உதடுகளை மூடாதே
கண்களை மறைத்துக்கொள்!

நிறைய ஆண்களின் புதைகுழியாக அவை மாறும் முன்.

==========================

பௌர்ணமியில் அமாவாசை!!!!!!
உன் கருவிழி……

==========================

ஆயிரம் வார்த்தைகளை
இவை பேசினாலும்
தேடுவது என்னை தானோ என்று
அச்சப்படுகிறேன்,
சிறைபட்டுவிடுவேனோ என்று!!

==========================

உனது கண் எனும்
சிறைச்சாலையின் முள்கம்பிகளாக
இமைகள்!
என்னை அதனுள்ளே என்றும் அடைத்தே வைத்திருக்கிறது!

==========================

 

நொடிகளும் வாய்ப்பு தான்.

கிடைத்த வாய்ப்புகளில்
தோற்று போனதை
எண்ணி வருந்தாமல்,
கிடைக்க இருக்கும்
வாய்ப்பில்
வெற்றியடைய உழைக்கவேண்டும்.
வெற்றியில் அகந்தையடையாமல்
அடக்கத்தோடு செயலாற்ற வேண்டும்.
செயலில் முனைப்பும், திறமையும், உழைப்பும்,
நம்பிக்கையும், விடாமுயற்சியும்
செலுத்தி வந்தால்
வாய்ப்புகளை நாம் தேட வேண்டாம்
அனைத்து நொடிகளும் நமக்கு
வெற்றி வாய்ப்பை தேடி தரும்.

=====================

சோர்வை அகற்றி,
தோல்வியை கற்றுக்கொள்ளும்
வாய்ப்பாக கருதி,
தொலைநோக்கு சிந்தனையுடன்
நம்பிக்கையுடன் கூடிய முயற்சி எடுத்தால்
எடுத்து வைக்கும் ஒவ்வொரு
அடியும் வாய்ப்பே.

அனைத்தும் வெற்றிக்கு வழியே!

==============================

 

யூரோ 2012 இரண்டாவது அரையிறுதி போட்டி ஜெர்மனி எதிராக இத்தாலி (Germany vs Italy)

இரண்டாவது காலிறுதியில் கிரீஸ் அணியை வென்ற ஜெர்மனியும், நான்காவது காலிறுதியில் இங்கிலாந்தை வென்ற இத்தாலி அணியும் மோதும் இரண்டாவது அரையிறுதி போட்டி. உலக கோப்பை 2006 அரையிறுதி போட்டியில் சொந்த மண்ணில் தன்னை வீழ்த்திய இத்தாலியை பழி தீர்க்க வேண்டும் என்ற முனைப்போடு ஜெர்மனி விளையாடும். இத்தாலி இது வரை யூரோ அரையிறுதி போட்டிகளில் இலக்கு அடித்ததில்லை என்பது குறிப்பிடத்தக்கது. இறுதி போட்டியில் நுழைந்த பொழுது கூட பெனால்டியில் வென்று தான் நுழைந்திருக்கிறது.

ஆட்டத்தின் 5வது நிமிடத்தில் தனக்கு கிடைத்த corner-kickஇல் குரூஸ் காப்பாளர் கட்டத்தினுள் அடிக்க, அதை கேதேரா இலக்கு நோக்கி அடிக்க, காப்பாளர் புப்பானை கடந்து சென்ற பந்தை இத்தாலியின் தடுப்புகள வீரர் பிர்லோ இலக்கினுள் நுழையாமல் தடுத்தார்.

பிர்லோ பாலடேல்லிக்கு வழங்கிய பந்தை அவர் காப்பாளர் கட்டத்தினுள் எடுத்து நுழைவதற்குள் தடுப்புகள வீரர்கள் தடுத்தனர். அடுத்த நிமிடத்தில் ஜெர்மனி வீரர் அடித்த பந்து இலக்கினுள் அடிக்க முயன்று நேராக புப்பான் கைகளுக்கே அடித்தார்.

ஆட்டத்தின் 13வது நிமிடத்தில் இத்தாலி காப்பாளர் இடத்து பக்கத்தில் இருந்து உள்ளே அடித்த பந்தை இலக்கினுள் அடிக்க, அதை புப்பான் அருமையாக தடுத்தார். இதன் மூலம் இத்தாலிக்கு ஒரு corner-kick கிடைத்தது. அதில் தனக்கு கிடைத்த பந்தை கூருஸ் இலக்கினுள் அடிக்க அருமையாக தடுத்தார் புப்பான்.

ஆட்டம் ஆரம்பித்த முதல் 15 நிமிடத்தில் ஜெர்மனி அணியே இலக்கு நோக்கி அடிக்க முயன்றது.

ஆட்டத்தின் 17வது நிமிடத்தில் ஜெர்மனியின் காப்பாளர் கட்டத்திற்கு வெளியே இருந்து கசானோ அடித்த பந்தை, காப்பாளர் நெயுளர் தன்னுடைய வலது பக்கம் கீழே வீழ்ந்து அருமையாக தடுத்தார். அதே போல் மீண்டும் ஒரு வாய்ப்பு அடுத்த நிமிடத்தில் இம்முறை இடது பக்கத்தில் வீழ்ந்து தடுத்தார்.

ஆட்டத்தின் 20வது நிமிடத்தில் காப்பாளர் கட்டத்தினுள் அருமையான பந்தை கசானோ வழங்க, மிதந்து வந்த அப்பந்தை பாலடேல்லி சிறப்பான முறையில் தலையில் முட்டி இலக்கு அடித்தார். இதன் மூலம் இத்தாலி 1-0 என்ற கணக்கில் முன்னிலை வகித்தது.

Germany Vs Italy Mario Balotelli Amazing Goal… by kofiswag

ஆட்டத்தின் 27வது நிமியாத்தில் ஓஸில் அடித்த பந்தை புப்பான் அருமையாக தடுத்தார்.

ஆட்டத்தின் 33வது நிமிடத்தில் புப்பானின் இடது புறத்தில் இருந்து போடேங் வழங்கிய பந்தை இலக்கினுள் அடிக்க முயல இத்தாலியில் தடுப்பு வீரர் அருமையான முறையில் வெளியே அடித்துவிட்டார்.

கேதாராவின் முயற்சி ஆட்டத்தின் 35வது நிமிடத்தில் அருமையான முயற்சி தடுக்கப்பட்டத்து. ஆட்டத்தின் 36வது நிமிடத்தில் அருமையான ஒரு நிகழ்வு நடந்தது. பாலடேல்லிக்கு மொண்டோளிவோ பந்தை வழங்க அதை அவர் நேர்த்தியான முறையில் எடுத்துச்சென்று இலக்கினுள் அடித்தார்.

முதல் பாதி முடியும் நேரத்தில் ஜெர்மனியின் லாம் மூலம் நல்ல முயற்சி. ஆனால் புப்பான் முன்னேறி வந்து அப்பந்தை பிடித்தார். ஜெர்மனி ரசிகர்களின் சோக முகங்களை காண முடிகிறது. முதல் பாதி முடிவடைந்த நேரத்தில் இத்தாலி 2-0 என்ற கணக்கில் முன்னிலை வகிக்கிறது.

இரண்டாம் பாதி துவக்கத்தில் ஜெர்மனி வீரர்கள் எப்படி தங்களுடைய அணியை மீட்ப்பார்கள் என்ற எதிர்பார்ப்பு அதிகமாக இருந்தது.

ஆட்டத்தின் 48வது நிமிடத்தில் நேயுஸ் அருமையான முறையில் இத்தாலியின் தடுப்புகள வீரர்களை கடந்து பந்தை எடுத்துச்சென்று இலக்கினுள் அடித்த பந்தை புப்பான் தடுத்தார். இரண்டு நிமிடம் கழித்து அருமையாக பந்தை ஜெர்மனி வீரர்கள் தங்களுக்குள் வழங்கியபடி காப்பாளர் கட்டத்தினுள் நுழைந்து, தனக்கு கிடைத்த பந்தை லாம் இலக்கினுள் அடிக்காமல் வெளியே அடித்தார். ஒரு அருமையான வாய்ப்பு பறிபோனது. தவரவிடப்பட்டது என்றே சொல்லலாம்.

இத்தாலியின் கசானோ ஜெர்மனியின் தடுப்புகள வீரர்களை தாண்டி காப்பாளர் கட்டத்தினுள் அருமையாக பந்தை வழங்க உள்ளே இருந்த ஜெர்மனியின் தடுப்புகள வீரர்கள் இத்தாலி வீரர்களிடம் பந்து சிக்காமல் வெளியே தள்ளினர்.

ஆட்டத்தின் 54வது நிமிடத்தில் ஓஸில் கேதேராவின் கூட்டணி இத்தாலி காப்பளார் கட்டத்தினுள் புகுந்து இலக்கினுள் அடிக்க முயற்சி செய்தனர். ஆனால் இலக்கினுள் அடிக்க இயலவில்லை.

ஆட்டம் விறுவிறுப்பாக நடந்து கொண்டு இருந்தது. ஜெர்மனி வீரர்கள் இத்தாலியின் காப்பாளர் கட்டத்தினுள் நுழைந்து தங்களால் இயன்றதை முயற்சி செய்து கொண்டு இருந்தனர்.

ஆட்டத்தின் 60வது நிமிடத்தில் பாலடேல்லிக்கு வழங்கிய பந்தை கடத்திக்கொண்டு காப்பாளர் கட்டத்திற்கு உள்ளே இருந்து இலக்க்னுள் அடிக்க முயற்சி செய்து வெளியே அடித்தார். மேலும் ஒரு இலக்கு அடிக்கும் வாய்ப்பு.

ஆட்டத்தின் 61வது நிமிடத்தில் காப்பாளர் கட்டத்திற்கு வெளியே கிடைத்த free-kickகை பயன்படுத்தி ரேயுஸ் இலக்கு நோக்கி அடித்த பந்தை புப்பான் அருமையாக தடுத்தார். நிச்சயம் இலக்கினுள் இப்பந்து புகுந்திருக்கும். இதன் மூலம் அவர்களுக்கு ஒரு corner-kick கிடைத்தது. அதை நேர்த்தியான முறையில் தகர்த்தனர் இத்தாலி வீரர்கள்.

மேலும் ஒரு வாய்ப்பு இத்தாலிக்கு, 3-0 என்று முன்னிலை வகிக்க, ஆனால் இலக்கினுள் அடிக்காமல் அப்பந்து வெளியே அடிக்கப்பட்டது. இப்பொழுது இத்தாலி தங்களுடைய தடுப்பு களத்தை பலப்படுத்த முன்கள வீரர்களை தடுப்புகள வீரர்களை இறக்கி மாற்றினர்.

ஆட்டம் 70 நிமிடத்தை கடந்து சென்று கொண்டு இருந்தது. ஜெர்மனி வீரர்கள் 20 நிமிடத்தில் 2 இலக்குகள் அடித்தால் தான் இத்தொடரில் நிலைக்க முடியும் என்ற நிலை.

ஜெர்மனி வீரர்கள் நேர்த்தியான முறையில் பந்தை கடத்தி சென்று இத்தாலி காப்பாளர் கட்டத்தினுள் வழங்கிய பொழுது அதை இத்தாலியின் தடுப்பு கள வீரர்கள் நேர்த்தியான முறையில் தடுத்தனர்.

அருமையாக வெட்டி இலக்கினுள் அடிக்க முயன்று வெளியே அடித்தார். அருகில் இருந்த சகவீரர் டி-நத்தாலேவுக்கு வழங்கியிருந்தால் நிச்சயம் இலக்கினுள் அடித்திருப்பார். ஆட்டத்தின் 78வது நிமிடத்தில் பிர்லோ வழங்கிய பந்தை டி-ரோஸி சிறப்பாக இலக்கினுள் அடிக்க ஜெர்மனி காப்பாளர் அதை சிறப்பாக பிடித்தார்.

அடுத்த நிமிடத்தில் பந்தை எடுத்து சென்ற ஜெர்மனி வீரகளிடம் இருந்து பந்தை காப்பாளர் கட்டத்தினுள் இருந்து வெளியேற்ற முயற்சி செய்த பொழுது அது குரூஸிடம் கிடைக்க, அவர் அதை இலக்கினுள் அடிக்க முயன்று சற்று உயரமாக அடித்தார். மேலும் ஒரு வாய்ப்பு நழுவியது.

ஆட்டத்தின் இறுதி 10 நிமிடம். டி-நடாலேவுக்கு பந்து வழங்கப்பட, அவர் தனியாக ஜெர்மனி இலக்கு நோக்கி சென்றார். எந்த ஒரு தடுப்பு வீரரும் இல்லாமல் தனியாக சென்று இலக்கினுள் அடிகாமல் வெளியே அடித்தார். இதில் இலக்கு அடித்திருந்தால் இறுதி போட்டிக்குள் இத்தாலி நுழைவது நிச்சயம் உறுதி செய்யப்பட்டு இருக்கும்.

அதே போல் மற்றும் ஒரு வாய்ப்பு இத்தாலிக்கு அடுத்த இரண்டு நிமிடத்திலேயே கிடைத்தது. ஆனால் off-sideஇல் இருந்து முயன்றதால் அதுவும் பரி போனது.

இத்தாலி வீரர்கள் காப்பாளர் கட்டத்தினுள் சிறப்பாக தடுப்புஅரண் அமைத்து ஜெர்மனி வீரர்களின் முயற்சிகளை தடுத்தனர். பல முறை தடுப்பு அரணை தகர்த்து உட்புகுர்ந்த போதிலும் ஜெர்மனி வீரர்களால் இலக்கடிக்க முடியவில்லை. ஆட்டத்தின் கடைசி 5 நிமிடங்கள். இத்தாலி இறுதி போட்டியினுள் நுழைவது கிட்டத்தட்ட உறுதியாகிவிட்ட நிலை.

மேலும் ஒரு முயற்சி ஆட்டத்தின் 87வது நிமிடத்தில். ஆனால் புப்போன் முன்னேறி வந்து தடுத்தார். இந்நேரத்தில் இத்தாலி வீரர்கள் தேவை இல்லாமல் தவறு செய்து மஞ்சள் அட்டை வாங்கினர். ஆருதளுக்காவது ஜெர்மனி ஒரு இலக்காவது அடிப்பார்கள் என்று எண்ணியது கடைசி நிமிடங்களில் பறிபோனது. ஆட்டத்தின் கடைசி சில துளிகள். ஆனால் இத்தாலியின் தடுப்பு அரண் மிக மிக வலுவாக தன்னுடைய வேலையை செய்தது. காப்பாளர் அட்டத்தினுள் மிதந்து வந்த பந்து இத்தாலி தடுப்புகள வீரரின் கையில் பட்டு penalty வழங்கப்பட்டது. இதை பயன்படுத்தி அருமையான முறையில் இலக்கினுள் அடித்தார் ஓஸில்.

Alemania 1-2 Italia Ozil 92' by medi1sport

இப்பொழுது இத்தாலி வீரர்களுக்கு பதட்டம் அதிகமானது.

மேலும் ஒரு இலக்கு அடித்தால் ஆட்டம் சமநிலைக்கு வந்துவிடும் நிலை. ஜெர்மனியின் காப்பாளர் முன்னேறி வந்து பந்தை பின்னால் செல்ல விடாமல் விளையாடினார்.

பதட்டம் நிறைந்த கடைசி நொடிகள். ஜெர்மனிக்கு கடைசி வாய்ப்பு. அப்பந்தை சரியாக எத்திய பொழுது ஆட்டம் முடிவடைந்தது.

இத்தாலி 2-1 என்ற கணக்கில் இரண்டாவது அரையிறுதியில் வெற்றி பெற்று இறுதி போட்டியில் ஸ்பெயினுடன் பலப்பரிட்சை செய்ய தயாரானது.

 

யூரோ 2012 முதல் அரையிறுதி போட்டி ஸ்பெயின் எதிராக போர்ச்சுகல் (Spain Vs Portugal)

முதல் காலிறுதி போட்டியில் செக் குடியரசை வென்ற போர்ச்சுகல் அணியும் மூன்றாவது காலிறுதி போட்டியில் பிரான்சை வென்ற ஸ்பெயின் அணியும் மோதும் முதல் காலிறுதி போட்டி. கடந்த 20 ஆண்டுகளில் நடப்பு வாகையர் பட்டத்தை வென்ற அணி அரையிறுதிக்கு நுழையும் முதல் முறையாக விளங்குகிறது ஸ்பெயின். போர்ச்சுகல் அணியின் தலைவராக உலகின் தலைசிறந்த வீரர்களில் ஒருவரான ரொனால்டோ தலைமையில் களம் இறங்குகிறது. நடப்பு உலக கோப்பை 2010 வாகையர் பட்டம் மற்றும் நடப்பு யூரோ 2008 வாகையர் பட்டம் போன்றவற்றை தன்வசம் வைத்திருக்கும் ஸ்பெயின் எப்படியாவது இறுதி போட்டியினுள் நுழையவேண்டும் என்ற முனைப்போடு விளையாடும் என்பதில் சந்தேகம் இல்லை.
யூரோ 2004இல் கிரீஸ் அணியிடம் இறுதி போட்டியில் தோல்வியடைந்து கோப்பை கனவு தகர்ந்து போன வருத்தத்தை இந்த வருடம் கோப்பை வெல்லும் கனவோடு போர்ச்சுகல் கடுமையாக போராடும்.

ஆட்டத்தை சபை அணியினர் துவங்கினார்கள். ஆட்டத்தின் நிமிடத்தில் ஸ்பெயினின் காப்பாளர் கட்டத்துக்கு வெளியே தனக்கு கிடைத்த பந்தை இலக்கு நோக்கி போர்ச்சுகளின் மிகள் அடிக்க, ஸ்பெயினின் அலோன்சோ தடுத்து வெளியே அனுப்பினார். அதில் கிடைத்த corner-kick கிடைத்தது. இலக்கு எதுவும் அடிக்கபடவில்லை என்றாலும் போர்ச்சுகளுக்கு இது அருமையான துவக்கம்.

ஸ்பெயின் வீரர்கள் தாங்கள் உலக கோப்பை வாகையர்கள் என்று நிரூபிக்கும் வகையில் போர்ச்சுகளின் தடுப்பக்கள வீரர்களின் அரணை உடைத்து ஒருவருக்கொருவர் பந்தை கொடுத்து கடைசியாக இனியாஸ்டா இலக்கிற்கு நேராக இருக்கும் நெக்ரேடோ கொடுக்க, சரியான நேரத்தில் போர்ச்சுகளின் தடுப்புகள வீரர் வெளிய அடிக்க முயன்றார். அது நேராக ஸ்பெயினின் அர்பேலோ செல்ல, அவர் இலக்கினுள் அடிக்க முயன்று வெளியே அடித்தார். இது ஸ்பெயினுக்கு கிடைத்த ஒரு அருமையான வாய்ப்பு. சிறிது நேரத்தில் காப்பாளர் கட்டத்திற்கு வெளியே இருந்து இனியாஸ்டா பந்தை இலக்கினுள் அடிக்க முயன்று வெளியே அடித்தார்.

அடுத்த சில நிமிடத்தில் ரொனால்டோ ஸ்பெயின் காப்பாளரின் வலது ஓரத்தில் பந்தை கடத்திக்கொண்டு வேகமாக சென்றார். கிட்டத்தட்ட கொடு முடியும் இடத்தில் இருந்து காப்பாளர் கட்டத்தினுள் இருக்கும் நாணிக்கு பந்தை வழங்க உதைத்தார். நாணி அதை தலையால் முட்டி இலக்கினுள் அடிக்க முன்னேறி வர, எச்சரிக்கையாக இருந்த காப்பாளர் காசியாஸ் பந்தை தடுத்துவிட்டார்.

ஆட்டத்தின் 15வது நிமிடத்தில் ரொனால்டோ பந்தை எடுத்துக்கொண்டு முன்னேறி செல்ல, காப்பாளர் கட்டத்துக்கு இடது பக்கம் மிக அருகில் அவரை கீழே வைத்தனர் ஸ்பெயினின் தடுப்புகள வீரர்கள். இதனால் அவர்களுக்கு ஒரு free-kick கிடைத்தது. ரொனால்டோ அதை நேராக 2 வீரர்கள் நின்ற சுவற்றில் அடித்து வெளியானது.

பந்தை இரு அணியினரும் இலக்கை நோக்கி கடத்தி சென்றதில் முனைப்பு காட்டியதால் ஆட்டம் வேகமாக நகர்வது போல் தோன்றியது. ஆட்டம் துவங்கி 25 நிமிடம் முடியபோகும் நிமிடத்திற்கு முன்பாக ரொனால்டோவின் அருமையான முயற்சி இலக்கிற்கு மிகவும் மேலே சென்றது.

போர்ச்சுகல் அணியினர் தங்கள் திறமைகளை சிறப்பாக வெளிப்படுத்தி ஸ்பெயினின் தடுப்பு அணையை உடைக்க முயன்றவன்னம் இருந்தனர். ஆனால் ஸ்பெயின் அணியினரும் மிக நேர்த்தியான முறையில் தங்களுடைய பணியை தொடர்ந்தனர்.

ஆட்டத்தின் 29வது நிமிடத்தில் ஸ்பெயினின் counter-attackமூலம் பந்தை டோறேசுக்கு வழங்க அவர் நேர்த்தியான முறையில் ஜாவிக்கு கொடுக்க. அவரை சுற்றி போர்ச்சுகல் வீரர்கள் இருந்ததால், காப்பாளர் கட்டத்துக்கு வெளியே தனியாக இருந்த இனியாஸ்டாவுக்கு வழங்க, அவர் அடித்த பந்து இலக்கு கம்பிக்கு சற்று நெருக்கமாக மேலே தவழ்ந்து சென்றது.

அடுத்த நிமிடத்தில். ரோனால்டோவுக்கு அருமையான வாய்ப்பு. காப்பாளர் கட்டத்திற்கு வெளியே இருந்து இலக்கை நோக்கி அடிக்க முயன்று வெளியே அடித்தார். போர்ச்சுகல் அணியின் அருமையான முயற்சி.

ஆட்டத்தின் 38வது நிமிடத்தில் தனக்கு வழங்கிய பந்துடன் மத்தியகளத்தில் இருந்து டேவிட்சில்வா போர்ச்சுகல் இலக்கு திசை திரும்ப, நிறைய வெற்று இடம் இருந்தது. உடனே மிக மிக விரைவாக இலக்கு நோக்கி சென்றார். காப்பாளரின் வலதுபக்க வீரருக்கு வழங்க முயன்றார். ஆனால் அது வேகமாக அடித்ததால் வெளியே சென்றது.

முதல் பாதி முடிவடையும் கடைசி நிமிடத்தில் ஜாபி அலோன்சோ போர்ச்சுகளின் காப்பாளர் கட்டத்தினுள் உதைக்க செஜியோ ராமோஸ் தலையால் முட்டி இலக்கினுள் அடித்தார். போர்ச்சுகளின் காப்பாளர் முன்னேறி வந்து பிடிக்க முதல் பாதி சமநிலையில் முடிந்தது.

ஆட்டத்தின் இரண்டாம் பாதியில் இருபுறமும் பந்து மாறிமாறி செல்ல மிக மிக விறுவிறுப்பாக இருந்தது. ஆனால் இலக்கினுள் பந்தை அடிக்க யாருமே முயலவில்லை என்பதை முயற்சிகள் அனைத்தும் முறியடிக்கப்பட்டன என்று தான் சொல்லவேண்டும்.

ஆட்டத்தின் 67வது நிமிடத்தில் ஜாவி அருமையான முயற்சி இலக்கினுள் அடித்தார். நேராக காப்பாலரிடமே அடித்தார். இதற்கு பதிலளிக்கும் வகையில் போர்ச்சுகலின் முயற்சி இஅல்கிற்கு வெளியே அடித்தனர்.

போர்ச்சுகளுக்கு அருமையான வாய்ப்பு 71வது நிமிடத்தில் கிடைத்தது. ரொனால்டோவை இடறி வீழவைத்ததால் அவர்களுக்கு ஒரு free-kick கிடைத்தது. இதை பயன்படுத்தி இலக்கு நோக்கி அதிவேகமாக அவர் உதைத்த பந்து இலக்கு கம்பிக்கு சற்று மேலே வேகமாக சென்றது.

ஆட்டத்தின் 80வது நிமிடத்தில் நாணியை இடறி விழவைத்ததினால் கிடைத்த free-kickகை காப்பாளரின் இடது புறத்தில் உதைக்க, அதை காசியாஸ் பிடித்தார்.

அடுத்த சிலநிமிடங்களில் ரொனால்டோவை இடறி ஜாபி அலோன்சோ இடறி விழவைக்க அதன் மூலம் கிடைத்த free-kickகை ரொனால்டோ உதைக்க அது அர்பெலோவின் கையில் பட்டதால் அவருக்கு மஞ்சள் அட்டை வழங்கப்பட்டது. மேலும் ஒரு free-kick வழங்கப்பட்டு அதை ரொனால்டோ, இலக்கு கம்பிக்கு மேலே அடித்தார்.

ஆட்டத்தின் கடைசி 5 நிமிடங்களில் ஜாவிக்கு மாற்று ஆட்டக்காரராக பெட்ரோ களம் இறங்கினார்.

ஆட்டத்தின் 89வது நிமிடத்தில் counter-attackநடத்தினர் போர்ச்சுகல் அணியினர். மிக மிக வேகமாக பந்தை கடத்தி செல்ல, போர்ச்சுகல் அணியின் வீரர்களும், ஸ்பெயின் அணியின் வீரர்களும் இருக்க, ஸ்பெயினின் தடுப்புகள வீரர்களிடம் பந்து சிக்காமல் ரொனால்டோவிடம் கொடுக்க, அதை கொஞ்சம் அவசரப்பட்டு வெளியே அடித்து வீனடித்துவிட்டார். இது போர்ச்சுகளுக்கு கிடைத்த கடைசி வாய்ப்பு. இது இந்த ஆட்டத்தில் கிடைத்த சிறந்த வாய்ப்பு. இதில் இலக்கு அடித்திருந்தால் போர்ச்சுகல் வெற்றி பெற்று இருக்கும்.

இத்துடன் ஆட்டம் சம நிலையில் முடிந்தது. கூடுதல் 30 நிமிடங்களில் வழங்கப்படுகிறது.

கூடுதல் நேரத்தில் ஐந்து நிமிடம் முடிவடைந்த நிலையில் ஜாபி அலோன்சோ உதைத்த free-kick தகர்க்கப்பட, பந்து ஸ்பெயின் அணி வீரர்களிடம் கிடைத்து பெட்ரோவுக்கு வழங்க அவர் இலக்கினுள் அடித்தார். அதை பெப்பே தலையால் முட்டி வெளியே தள்ள சரியாக இனியாஸ்ட்டாவிடம் கிடைக்க வேகமாக இலக்கை நோக்கை அடித்தார். ஆனால் தடுப்பு கள வீரர் மேலே அடித்து அவ்விடத்தை வெளியானது.

ஆட்டத்தின் 101வது நிமிடத்தில் corner-kick கிடைக்க அதை பயன்படுத்தி காப்பாளர் கட்டத்தினுள் நுழைய முயன்று மேலும் ஒரு corner-kick கிடைத்தது. இது முடிந்த இரண்டாவது நிமிடத்தில் ஸ்பெயினின் ஊடுருவல் மூலம் பெட்ரோ காப்பாளர் கட்டத்தினுள் வழங்கிய பந்தை இனியாஸ்டா இலக்கினுள் அடிக்க அருமையான முறையில் காப்பாளர் தடுத்தார். ஸ்பெயினுக்கு ஒரு அருமையான வாய்ப்பு பறிபோனது. கூடுதல் நேரத்தின் முதல் பாதி முடிவடையும் தருவாயில் ஸ்பெயினுக்கு free-kickமூலம் மேலும் ஒரு வாய்ப்பு. அதை செர்ஜியோ ராமோஸ் நேர்த்தியான முறையில் அடித்தார். ஆனால் இலக்கின் மிகமிக அருகில் வெளியே சென்றது. இத்துடன் கூடுதல் நேரத்தில் முதல் பாதி முடிந்தது. இன்னமும் ஆட்டம் சமநிலையிலேயே இருந்தது.

அடுத்த நிமிடத்திலும் யாரும் இலக்கு அடிக்கவில்லை என்றால் ஆட்டம் penalty shoot-out வைத்தே நிர்னைக்கப்படும்.

ஆட்டத்தின் 107வது நிமிடத்தில் அதிவிரைவாக பந்தை ஸ்பெயினின் காப்பாளர் கட்டத்தினுள் இருந்த ரொனால்டோவுக்கு செல்லும் முன் அடிக்க செர்ஜியோ ராமோஸ் அதை வெளியே அடித்துவிட்டார்.

ஆட்டத்தின் 110வது நிமிடத்தில் அருமையான முயற்சி. மீண்டும் ஸ்பெயின் வீரர்களின் ஒரு கூட்டு முயற்சி. அதை போர்ச்சுகல் காப்பாளர் நேர்த்தியான முறையில் தடுத்தார்.

மேறேலேஸ்க்கு பதில் வரேலா களம் இறக்கப்பட்டார். இவர் தான் போர்ச்சுகளின் யூரோ 2012இல் முதல் வெற்றிக்கு வித்திட்டவர்.

அதை தொடர்ந்து ஸ்பெயினின் ஒரு அதிரடி ஆட்டம். பாப்ரிகாஸ் பந்தை வேகமாக போர்ச்சுகளின் இலக்கினுள் எடுத்து செல்ல, புயலென வந்த போர்ச்சுகல் தடுப்புகள வீரர்கள் அவரின் முயற்ச்சியை தவிடுபொடி ஆக்கினர்.

ஸ்பெயின் வீரர் அல்பா போர்ச்சுகளின் காப்பாளர் கட்டத்தினுள் பந்தை வழங்க பெப்பே அருமையான முறையில் வெளியே தள்ளினார். மீண்டும் ஒரு வாய்ப்பு பெட்ரோ மூலமாக, அதையும் தடுத்தனர் போர்ச்சுகல் தடுப்பு வீரர்கள்.

மேலும் ஒரு வாய்ப்பு போர்ச்சுகல் வீரர்கள் தடுத்தனர். இத்துடன் 120 நிமிடங்கள் முடிந்தது. இப்பொழுது பெனால்டி மூலம் இறுதி போட்டிக்கு செல்லும் அணி உறுதி செய்யப்படும். இது இந்த யூரோ 2012இல் இரண்டாவது பெனால்டி. யூரோ 2012இல் முதலாவதாக இறுதி போட்டிக்கு செல்லும் அணியை பெனால்டி மூலம் முடிவு செய்ய இருக்கிறது.


ஜாபி அலோன்சோ – தடுக்கப்பட்டது
மொண்டின்ஹோ – தடுக்கப்பட்டது

ஸ்பெயின் 0 – 0 போர்ச்சுகல்

இனியாஸ்டா – இலக்கினுள் அடிக்கப்பட்டது
பெப்பே – இலக்கினுள் அடிக்கப்பட்டது

ஸ்பெயின் 1 – 1 போர்ச்சுகல்

பிக்கே – இலக்கினுள் அடிக்கப்பட்டது
நாணி – இலக்கினுள் அடிக்கப்பட்டது

ஸ்பெயின் 2 – 2 போர்ச்சுகல்

செர்ஜியோ ராமோஸ் – இலக்கினுள் அடிக்கப்பட்டது
ஆல்வேஸ் – கம்பியில் அடிக்கப்ட்டு வெளியானது
ஸ்பெயின் 3 – 2 போர்ச்சுகல்

பாப்ரிகாஸ் – இலக்கினுள் அடிக்கப்பட்டது
ஸ்பெயின் 4 – 2 போர்ச்சுகல்

Alemania 1-2 Italia Ozil 92' by medi1sport

யூரோ 2010இல் வாகையர் பட்டம் சூடிய ஸ்பெயின் அணி மீண்டும் இந்த முறை இறுதி போட்டிக்குள் நுழைந்து கோப்பை வெல்லும் வாய்ப்பை பெறுகிறது.

 
Leave a comment

Posted by on June 27, 2012 in Uncategorized

 

அகதிகள் இல்லை மறுவாழ்வு தேடுகின்றவர்கள்.


அனைத்து சொந்தங்களையும்
சொத்துக்களையும் பறிகொடுத்து,
இருக்கும் உயிரை மட்டும்
காப்போம் என்று எண்ணி,
உயிரை பணயம் வைத்து
தனக்கு தானே துணையாகி,
உடுத்திருக்கும் ஆடையுடன் மட்டும்
தஞ்சம் தேடி வேறு நாட்டில்
நுழைய முயலும் பொழுது,
சொந்த நாட்டிலேயே கையேந்தி பிழைத்துகொள்ளலாம்
என்ற எண்ணம்,
ஒரு கனம், அவர் நெஞ்சம் ஓரம் எட்டி பார்க்க,
உடலில் ரணத்தொடு, இதயத்தில் கணத்தோடு,
கண்ணீரை மட்டுமே விழியில் தாங்கி
அடியெடுத்து வைக்கிறார் மறுவாழ்வு தேடி.

நாம் கொடுக்கவேண்டியது
நம் அன்பை மட்டுமே.

குறிப்பாக நம் தமிழ்சொந்தங்கங்களாக இருந்தால்!?!?!?!?

 

இயற்கையை கொன்று


நிலத்தின் பசுமை தோலுரித்து,
முகப்பரு மலையை குடைந்து,
பாதையாக்கிய “தார்”சாலைகளில்
தினமும் பயணிக்கிறோம்.
இயற்கையின் அழகை கொன்றது
அறியாமல்.

 
Leave a comment

Posted by on June 25, 2012 in Uncategorized

 

யூரோ 2012 நான்காம் காலிறுதி போட்டி இங்கிலாந்து எதிராக இத்தாலி (England Vs Italy)

நான்காம் பிரிவில் முதல் இடம் பிடித்த இங்கிலாந்து அணியும் மூன்றாம் பிரிவில் இரண்டாம் இடம் பிடித்த இத்தாலி அணியும் பலப்பரிட்ச்சை செய்யும் நான்காம் மற்றும் கடைசி காலிறுதி போட்டி. இப்போட்டியில் வெற்றி பெறும் அணி அரையிறுதியில் ஜெர்மனியுடன் மோதும்.

ஆட்டம் ஆரம்பித்த மூன்றாது நிமிடத்தில் டி-ரோஸி அடித்த பந்து இலக்கின் கம்பியில் அடித்து வெளியானது.

அடுத்த சில நிமிடத்தில் மில்னர் அடித்த பந்தை இத்தாலியின் காப்பாளர் புப்பான் தடுத்தார். ஆட்டத்தின் 14வது நிமிடத்தில் ஜான்சன் அடித்த பந்தை புப்பான் சிறப்பான முறையில் ஒரே கையில் தடுத்தார்.

ஆட்டம் 20 நிமிடத்தை தாண்டியது. வெகு விரைவாக நடந்தேறியது போல் இருந்தது. இருபுறமும் முன்னேறியதால் ஆட்டம் விறுவிறுப்பாக இருந்தது.

ஆட்டத்தின் 25வது நிமிடத்தில் அருமையான வாய்ப்பு பாலடேல்லிக்கு வழங்கப்பட்டது. அந்நேரத்தில் அவர் மட்டுமே பந்தின் அருகில் இருந்தார். சற்று தூக்கி அடித்திருந்தால் நிச்சயம் இலக்கினுள் அடித்திருக்கலாம. அவர் பந்தை கடத்தி செல்லும் முன் ஜான் தேரி சிறப்பான முறையில் தடுத்துவிட்டார். அருமையான வாய்ப்பு இத்தாலிக்கு இதன் மூலம் தவறியது.

ஆட்டத்தின் 32வது நிமிடத்தில் மேலும் ஒரு வாய்ப்பு. இந்த முறை காப்பாளர் கட்டத்தினுள் இருந்த பாலடேல்லிக்கு சிறப்பான ஒரு பந்து வழங்கப்பட்டது. அதை நேராக காப்பாளர் ஹார்டிடம் அடித்தார்.

ஒரு நிமிடத்திற்கு பிறகு இங்கிலாந்து வீரர் வேல்பக்கிற்கு கிடைத்தது. நேராக அடித்திருந்தால் இலக்கினுள் அடித்திருக்கலாம் ஆனால் அவர் இலக்கிற்கு வெளியே அடித்துவிட்டார்.

விறுவிறுப்பாக ஆட்டம் நடந்திருந்தாலும் இத்தாலி வீரர்களே பந்தை 60% தங்களின் வசம் வைத்திருந்தார்கள்.

ஆட்டத்தின் 37வது நிமிடத்தில் இத்தாலியின் கசானோ அடித்த பந்து நேராக இலக்கினுள் நுழைய முயல அதை அருமையாக தடுத்தார் காப்பாளர் ஹார்ட். அடுத்த நிமிடத்தில் மேலும் ஒரு பந்து பாலடேல்லிக்கு வழங்கப்பட்டது. அவர் பந்தின் அருகில் செல்வதற்குள் காப்பாளர் ஹார்ட் முன்னால் வந்து அதை தடுத்தார்.

ஆட்டத்தின் 40வது நிமிடத்தில் இங்கிலாந்து காப்பாளர் கட்டத்தினுள் கிடைத்த பந்தை கசானோ அருமையான தலையில் முட்டி பாலடேல்லிக்கு வழங்க. அவர் சறுக்கி அடிக்க அது தடுப்புகள வீரரின் காலில் பட்டு வெளியானது.

ஆட்டத்தின் 42வது நிமிடத்தில் இங்கிலாந்து காப்பாளர் கட்டத்தினுள் வெளியே கிடைத்த பாலடேல்லி இலக்கினுள் அடிக்க முயன்று வெளியே அடித்தார். இத்துடன் முதல் பாதி நிறைவடைந்தது. ஆட்டத்தின் முதல் பாதி விருவிருப்பாக நடந்து 0-0 என்று சமநிலையில் இருந்தது.

இரண்டாம் பாதி துவங்கிய இரண்டாம் நிமிடத்தில் அருமையாக இங்கிலாந்தின் காப்பாளர் காட்டினுள் வழங்கப்பட்டது. ஆனால் அதை தலையால் முட்டி இலக்கினுள் அடிக்க யாரும் இல்லை. இங்கிலாந்து தடுப்புகள வீரர் தலையால் முட்டி வெளியே தள்ளினார். இதன் மூலம் இத்தாலிக்கு corner-kick கிடைத்தது. அதில் அடித்த பந்தை ஹார்ட் தடுத்தார். பந்து மீண்டும் அவரை நோக்கி வர இங்கிலாந்தின் தடுப்பு வீரர்கள் யாரும் இல்லாமல் டி-ரோஸி தனியாக இருந்தார். ஆனால் இந்த வாய்ப்பை அவர் தவரவிட்டுவிடார். இலக்கினுள் அடிக்காமல் வெளியே அடித்துவிட்டார். மீண்டும் ஒரு வாய்ப்பு இத்தாலிக்கு பரிபோனது.

ஆட்டத்தின் 52வது நிமிடத்தில் இங்கிலாந்தின் இலக்கினுள் அடித்த பந்தை அருமையாக தடுத்தார். அது மீண்டும் பாலடேல்லிக்கு கிடைக்க அவர் அடித்த பந்து ஹார்ட் தடுத்து மீண்டும் ஒரு இத்தாலி வீரரிடம் கிடைக்க, அவர் அதை வெளியில் அடித்துவிட்டார். மேலும் ஒரு வாய்ப்பு நழுவியது.

ஆட்டத்தில் இத்தாலியின் ஆத்திக்கமே தொடர்ந்தது. பாலடேல்லிக்கு மேலும் ஒரு வாய்ப்பு. மூன்றும் வீரர்கள் அவரை சுற்றி நிற்க அவருக்கு கிடைத்த பந்தை, கீழே படுத்து பின் பக்கம் அடித்தார். அது இலக்கிற்கு வெளியே சென்றது. ஆட்டத்தின் 63வது நிமிடத்தில் பிர்லோ காப்பாளர் கட்டத்தினுள் வழங்கிய பந்தை டி-ரோஸி வெளியே அடித்தார்.

அடுத்த நிமிடத்தில் தனக்கு கிடைத்த பந்தை அருமையாக கடத்தி சென்று காப்பாளர் கட்டத்தினுள் கொடுத்தார் வால்காட். கரோல் அதை உதைக்க முயல, அவரிடம் பந்து சிக்கவில்லை. முன்னால் இருந்த யங் இலக்கி நோக்கி அடிக்க அது இத்தாலி தடுப்புகள வீரரின் காலில் பட்டு வெளியானது.

ஆட்டத்தின் 72நிமிடத்தில் கிடைத்த free-kickகை அருமையாக காப்பாளர் கட்டத்தினுள் அடித்தார் ஸ்டிபன் ஜெரார்ட் ஆனால் அதை தலையில் முட்டியிருந்தால் நிச்சயம் இலக்கினுள் புகுந்திருக்கும். தவரவிட்டுவிடார். அருமையான வாய்ப்பை ரூனி தவரவிட்டுவிடார். இங்கிலாந்துக்கு ஒரு சிறப்பான வாய்ப்பு இது.

ஆட்டம் கடைசி 10நிமிடங்கள். இத்தாலிக்கு மாற்று வீரார்க களம் இறங்கிய நோசெரினோ இலக்கை நோக்கி அடிக்க, உள்ளே புக எத்தனித்த பந்தை ஹார்ட் அருமையாக தாவி வீழ்ந்து தடுத்தார்.

ஆட்டத்தின் கடைசி 5 நிமிடங்கள். இத்தாலி வீரர்கள் இலக்கு அடிக்க தீவிரமாக முயன்றனர். அருமையான வாய்ப்பு இத்தாலிக்கு. நேசெரிநோவுக்கு கிடைத்தது. அவர் இலக்கு நோக்கி உதைத்தார். ஆனால் ஜான்சன் அருமையாக தடுத்து பந்தை வெளியேற்றினார்.

முடிவடையும் கடைசி வினாடிகள். காப்பாளர் கட்டத்திற்கு வெளியே இருந்த பந்தை யங், ஆஷ்லே கோள்யிடம் கொடுக்க அவர் பந்தை எத்த, தவழ்ந்து வந்த பந்தை கரோல் தலையில் முட்டி ரூனியிடம் கொடுக்க, இலக்கு பின் பக்கம் இருந்ததால் ரூனி படுத்து அருமையாக அடித்தார். ஆனால் இலக்கினுள் அடிக்கவில்லை.

இத்துடன் 90 நிமிட ஆட்டம் முடிந்தது.

யூரோ 2012 கால்பந்து தொடர் காலிறுதி போட்டிகளில் இந்த போட்டி மட்டும் தான் 90 நிமிட ஆட்டம் முடிந்தும் யாருமே இலக்கு எதுவும் அடிக்காமல் 0-0 சம நிலையில் முடிந்தது.

முதல் 10 நிமிடத்தில் இங்கிலாந்து வீரர் இலக்கு அடிப்பதற்கு போராடினர். ஆட்டத்தின் 99நிமிடத்தில் பாலடேல்லி அடித்த பந்து நேராக காப்பாளர் ஹார்ட்டின் கைகளுக்கு சேர்ந்தது. அடுத்த ஒரு நிமிடத்தில் இத்தாலி வீரர் அடித்த பந்து இலக்கின் கம்பியில் பட்டு வெளியானது. இந்த ஆட்டத்தில் இரண்டு முறை இத்தாலி வீரர்கள் அடித்த பந்து இங்கிலாந்து இலக்கின் கம்பியில் அடித்தது. ஆட்டத்தின் 105வது நிமிடத்தில் வால்காட் இத்தாலியின் தடுப்பு வீரர்களை கடந்து வலது பக்கம் சென்று பந்தை இலக்குக்கு அருகில் அடிக்க அது வெளியானது. இத்துடன் கூடுதல் ஆட்டத்தில் முதல் பாதி முடிந்தது. மேலும் 15 நிமிடத்தில் ஆட்டம் சம நிலையில் இருந்தால் நிச்சயம் shoot-out மூலம் தான் ஆட்டத்தை முடிவு செய்யமுடியும்.

ஆட்டத்தின் 109வது நிமிடத்தில் இத்தாலி வீரர்கள் கடும் முயற்சி செய்தார்கள். ஆனால் இங்கிலாந்து வீரர்கள் திறமையாக தடுப்பாட்டம் ஆடி அவர்களின் முயற்சிகளை முறியடித்தனர். இதை தொடர்ந்து இத்தாலி வீரர்களுக்கு free-kick கிடைத்தது. எப்போழ்த்தும் Free-kickஐ சிறப்பாக அடிக்கும் பிர்லோ அடிக்காமல் பாலட்டேலி அடிக்க முயற்சி செய்து வெளியில் அடித்தார். ஆட்டம் நிச்சயம் shoot-outஇல் முடியும் என்ற நிலையில் இருந்தது. கூடுதல் நேரத்திலும் ஆட்டம் 0-0 என்று சமநிலையில் முடிந்தது

உலக கோப்பை கால்பந்து 2006 இறுதி போட்டியில் இத்தாலி பெனால்டி மூலம் தான் கோப்பையை வென்றார்கள்.

பெனால்டி நிலவரம்:-

பாலடேல்லி – இலக்கினுள் அடித்தார்
ஜெரார்ட் – இலக்கினுள் அடித்தார்
(இத்தாலி 1 – 1 இங்கிலாந்து)

மொண்டோளிவோ – வெளியே அடித்தார்
ரூனி – இலக்கினுள் அடித்தார்
(இத்தாலி 1 – 2 இங்கிலாந்து)

பிர்லோ – இலக்கினுள் அடித்தார்
யங் – வெளியே அடித்தார்
(இத்தாலி 2 – 2 இங்கிலாந்து)

நோசெரினோ – இலக்கினுள் அடித்தார்
ஆஷிலே கோள் – புப்பானால் தடுக்கப்பட்டது
(இத்தாலி 3 – 2 இங்கிலாந்து)

டியாமண்டி – இலக்கினுள் அடித்தார்
(இத்தாலி 4 – 2 இங்கிலாந்து)

Inghilterra 0 – 0 Italia Rigori Ing 2 – 4 Ita… by citrusblack83

இத்தாலி இங்கிலாந்தை பெனால்டி மூலம் வீழ்த்தி அரையிருதியினுள் நுழைந்தது. இந்த அணி ஜெர்மனியை எதிர்த்து விளையாடும்.

 
Leave a comment

Posted by on June 24, 2012 in Uncategorized